Թուրքիայի նախագահ Ռեջեփ Թայիփ Էրդողանը հույս է հայտնել, որ երկու երկրների միջև հարաբերություններում առկա խնդիրները կկարգավորվեն իր ամերիկացի գործընկեր Դոնալդ Թրամփի հետ միասին։
Նա այս մասին գրել է X-ում՝ ՆԱՏՕ-ի գագաթնաժողովին մասնակցելու համար Անկարա ժամանած Թրամփի հետ հանդիպումից հետո։
«Ես ուրախ էի ողջունել իմ սիրելի ընկերոջը՝ ԱՄՆ նախագահ Դոնալդ Թրամփին, որը պաշտոնական այցով գտնվում է մեր երկրում՝ Անկարայում կայանալիք ՆԱՏՕ-ի գագաթնաժողովի կապակցությամբ։ Ես հավատում եմ, որ մեր համերաշխության և ամուր հարաբերությունների շնորհիվ մենք կկարողանանք հաջողությամբ լուծել մեր օրակարգում գտնվող բազմաթիվ հարցեր», – գրել է Էրդողանը X-ում։
Բանակցությունների մեկնարկից առաջ նա ասել է, որ մտադիր է Թրամփի հետ քննարկել Ուկրաինայի, Իրանի շուրջ կարգավորման, Գազայի հատվածում ստեղծված իրավիճակի, ինչպես նաև երկկողմ հարաբերությունների հարցերը։ Էրդողանը, մասնավորապես, նշել է, որ հույս ունի ԱՄՆ-ի կողմից դրական որոշման՝ Թուրքիայի վերադարձի վերաբերյալ հինգերորդ սերնդի F-35 կործանիչների արտադրության նախագծին, որից այն դուրս է մնացել Ռուսաստանից S-400 հակաօդային պաշտպանության համակարգ գնելուց հետո։