Իսրայելի վարչապետ Բենյամին Նեթանյահուն և ԱՄՆ նախագահ Դոնալդ Թրամփը հեռախոսազրույցի ընթացքում պայմանավորվել են մոտ ժամանակներս հանդիպել ԱՄՆ-ում, հայտնել է Իսրայելի կառավարության ղեկավարի գրասենյակը:
Նեթանյահուն նաև շնորհավորել է Թրամփին ԱՄՆ անկախության 250-ամյակի կապակցությամբ։
«Զրույցի ընթացքում վարչապետը նշել է, որ ԱՄՆ-ն համաշխարհային ազատության երաշխավորն է, և Իսրայելը բարձր է գնահատում երկու երկրների միջև սերտ կապերը», – հավելել է գրասենյակը։