Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանի Կոմի Հանրապետության Ուսինսկ քաղաքում ավարտվել է 49-ամյա տեղացի կնոջ նկատմամբ հարուցված քրեական գործի նախաքննությունը։ Նա մեղադրվում է իր 34-ամյա զուգընկերոջ սպանության մեջ։
Քննչական մարմինների տվյալներով՝ ողբերգությունը տեղի է ունեցել այս տարվա ապրիլին՝ Ուսինսկի Միրա փողոցում գտնվող բնակարաններից մեկում։ Ըստ նախաքննության՝ ալկոհոլ օգտագործելու ընթացքում կնոջ և նրա զուգընկերոջ միջև անձնական տարաձայնությունների հողի վրա վիճաբանություն է ծագել։
Վիճաբանության ընթացքում կինը դանակով հարվածել է տղամարդու կրծքավանդակին՝ պատճառելով ծանր մարմնական վնասվածք։
Տուժածը տեղափոխվել է հիվանդանոց, սակայն բժիշկներին չի հաջողվել փրկել նրա կյանքը։ Նա մահացել է ստացած թափանցող դանակահարության հետևանքով։
Քննչական կոմիտեի տեղեկություններով՝ թե՛ մեղադրյալը, թե՛ տուժողը վարել են հակասոցիալական կենսակերպ և չարաշահել ալկոհոլը։
Նախաքննության ընթացքում հավաքվել են անհրաժեշտ ապացույցները, և քրեական գործն ուղարկվել է դատարան՝ ըստ էության քննության։
Հետևեք մեզ՝ այստեղ