Ռուսաստանի ՆԳՆ մամուլի խոսնակ Իրինա Վոլկը հայտնել է, որ ոստիկանությունը ձերբակալել է Կրասնոդարի առևտրի կենտրոնում գնորդների վրա դանակով հարձակման կասկածյալին, որի արդյունքում մահացել է մի կին։
«Երիտասարդ տղամարդը դանակահարել է առևտրի կենտրոնում գտնվող մի քանի գնորդների։ Հարձակվողը ձերբակալվել է, և ոստիկանությունը աշխատում է նրա հետ», – լրագրողներին ասել է նա։
Ոստիկանության տվյալներով՝ մեկ կին մահացել է։
Կրասնոդարի երկրամասի դատախազության մամուլի ծառայությունը հայտնում է, որ Կրասնոդարի առևտրի կենտրոնում տեղի ունեցած միջադեպի կապակցությամբ հետաքննություն է սկսվել, և դրա արդյունքների հիման վրա միջոցներ կձեռնարկվեն։