ՀՀ վարչապետ Նիկոլ Փաշինյանը հայտարարել է ԵԱՏՄ միջկառավարական խորհրդի առաջիկա նիստին մասնակցելու մտադրության մասին։ Նա այս մասին ասել է հունիսի 18-ի ճեպազրույցում՝ պատասխանելով այն հարցին, թե երբ է ի վերջո մեկնելու գործընկերների հետ հանդիպման, որպեսզի «նայի նրանց աչքերին և ամեն ինչ պարզաբանի»։
Փաշինյանը տեղեկացրել է, որ նախատեսված է միջկառավարական խորհրդի նիստ, որին ինքը մտադիր է մասնակցել։ Նա նաև հավելել է, որ ԵԱՏՄ ինստիտուտները գործում են։