Միացյալ Նահանգների հետ հրադադարի կնքումից ի վեր Իրանի Իսլամական հեղափոխության պահապանների կորպուսի ռազմական և գործառնական կարողությունները զգալիորեն աճել են, IRIB պետական հեռուստաալիքին ասել է ԻՀՊԿ պաշտոնական ներկայացուցիչ, գեներալ Հոսեյն Մոհեբին։
«Մեր զինված ուժերն այսօր ավելի լավ վիճակում են, քան անցյալում էին», – ասել է նա։
Մոհեբին հավելել է, որ Իրանի դեմ ԱՄՆ-Իսրայել պատերազմի հիմնական եզրակացություններից մեկը «թշնամու զինված ուժերի մասին օպերատիվ գիտելիքների աճն է»։
Նրա խոսքով, եթե ԱՄՆ-ն վերսկսի ռազմական գործողությունները, ամեն ինչ կփոխվի։
«Եթե թշնամին վերադառնա ռազմական ասպարեզ, գործողության տեսակը, մարտի աշխարհագրությունը և նույնիսկ օգտագործվող զենքի տեսակը կտարբերվեն, և Իսլամական հեղափոխության պահապանների կորպուսը լիովին պատրաստ է բոլոր հնարավոր սցենարներին», – զգուշացրել է գեներալը։