ՌԴ Սարատովի մարզի Պետրովսկի շրջանում երեխաներ տեղափոխող ավտոբուսը վթարի է ենթարկվել։ Այս մասին հայտնել է Սարատովի մարզպետ Ռոման Բուսարգինը։
«Այսօր Պետրովսկի շրջանում վթարի է ենթարկվել Երշովի շրջանի երեխաներին տեղափոխող ավտոբուսը։ Դեպքի վայր անմիջապես ուղարկվել են բոլոր արտակարգ ծառայությունները, այդ թվում՝ Սարատովից»,- գրել է նա։
Ըստ արտակարգ ծառայությունների տվյալների՝ ավտոբուսում եղել է 23 երեխա և 2 մեծահասակ։ Ուղևորների շրջանում զոհեր չկան։ Զոհվել է վարորդը։ Տուժել է 10 մարդ։