Իտալացի մասնագետ Ջենարո Գատուզոն այլևս չի գլխավորում Իտալիայի ազգային հավաքականը։ Մարզիչը որոշում է կայացրել հեռանալ պաշտոնից սեփական նախաձեռնությամբ։
Հրաժարականի պատճառների մասին պաշտոնական մանրամասներ դեռևս չեն հաղորդվում, սակայն սա տեղի է ունենում թիմի համար բավականին բարդ ժամանակահատվածում։
«Ես կցանկանայի շնորհակալություն հայտնել նախագահ Գաբրիելե Գրավինային և Ջանլուիջի Բուֆոնին, ինչպես նաև ֆեդերացիայի ողջ անձնակազմին՝ ինձ միշտ ցուցաբերած վստահության և աջակցության համար։ Մեծ պատիվ է եղել գլխավորել ազգային հավաքականը և դա անել այնպիսի խաղացողների հետ, ովքեր ցուցաբերել են նվիրվածություն»,- ասել է Գատուզոն։
Իտալիայի ֆուտբոլի ֆեդերացիան արդեն սկսել է նոր մարզչի փնտրտուքները, իսկ Գատուզոյի հետագա կարիերայի վերաբերյալ լուրերը դեռևս անորոշ են։ Հիշեցնենք, որ լեգենդար կիսապաշտպանը հավաքականը գլխավորել էր կարճ ժամանակով՝ փորձելով վերակառուցել թիմի խաղաոճը։