Քվեարկության օրը կամ դրան նախորդող օրը քարոզչություն կատարելը
Հայաստանի օրենսդրությամբ խստորեն արգելվում է քարոզչություն իրականացնել քվեարկության օրը և դրան նախորդող օրը։ Այս պահանջը սահմանված է վարչական իրավախախտումների վերաբերյալ օրենսգրքի 40.1 հոդվածով, որը նախատեսում է պատասխանատվություն խախտումների համար։
Օրենքի համաձայն՝ նշված օրերին քարոզչություն իրականացնելը՝ լինի դա հրապարակային ելույթների կամ միջոցառումների միջոցով, ենթադրում է տուգանք՝
- նվազագույն աշխատավարձի 400-600-ապատիկի չափով – 400․000 – 600․000 ՀՀ դրամի չափով։
Ավելին, եթե քարոզչությունն իրականացվում է լրատվամիջոցների միջոցով՝
- տպագիր մամուլով,
- հեռուստատեսությամբ,
- ռադիոյով կամ
- համացանցում, ապա պատասխանատվությունն ավելի խիստ է։
Այս դեպքում տուգանքը կիրառվում է լրատվական գործունեություն իրականացնող անձի կամ ղեկավարի նկատմամբ և կազմում է նվազագույն աշխատավարձի 500-700-ապատիկը՝ 500․000 – 700․000 ՀՀ դրամի չափով։
Սահմանված այս կարգավորումները նպատակ ունեն ապահովելու ընտրական գործընթացի թափանցիկությունն ու արդարությունը՝ բացառելով ընտրողների վրա ազդեցություն գործադրելու հնարավորությունը քվեարկությունից անմիջապես առաջ կամ դրա ընթացքում։