«Եղբայր, կարելի՞ է մի հատ քեզ նվիրեմ սրանից»,- մետրոյում, ցույց տալով իր ձեռքին եղած քարտեզը, տղա երեխային ասաց վարչապետ Նիկոլ Փաշինյանը:
Երեխայի մայրը արձագանքեց. «Չէ, մենք Արցախից ենք, մենք ուրիշ քարտեզ ունենք»:
«Բայց ձեր տղան այս քարտեզում է ապրելու. էդ հաշվի առեք: Մենք չենք թողնելու ձեր այդ գաղափարաբանությունը»,- նշեց փաշինյանը, ինչին արձագանքեց արցախցի կինը. «Դուք չեք թողել արդեն, որ մենք մեր Արցախում ապրենք, բայց չեք կարող մեզ զրկել մեր Արցախում ապրելու հույսից»:
Փաշինյանը հունից դուրս եկավ, սկսեց բարձր ձայնով խոսել. «Մենք ամեն ինչ արել ենք, որ դուք Արցախում, Ղարաբաղում ապրեք: 2023-ին դուք էիք մեղադրում ինձ, որ Ղարաբաղից ժողովուրդը չգա հայաստան, հիմա եկել եք այստեղ և ասում եք՝ բա մենք ուզում էինք վերադառնայիք: Մենք ՀՀ քաղաքացիների աշխատած միլիարդներ ենք ծախսել, որ դուք էնտեղ մնաք, ինչի՞ չեք մնացել»:
Կինը ասաց Փաշինյանին, որ իր հետ այդպիսի բարձր ձայնով չխոսի»:
«Կխոսեմ, մյուս անգամ փախածներով չփորձեք ասել, որ ես Ղարաբաղ եմ տվել…»,- շարունակեց Փաշինյանը: