Մեքսիկայի նախագահ Կլաուդիա Շեյնբաումը հայտարարել է, որ իր երկիրը պատրաստ է հյուրընկալել Իրանի ազգային հավաքականի մասնակցությամբ խաղերը 2026 թվականի Աշխարհի առաջնությունում։
«Սա քննարկվում է Ֆուտբոլի միջազգային ֆեդերացիայի (ՖԻՖԱ) հետ։ Եթե դա հնարավոր է, ինչու՞ պետք է նրանք գնան Միացյալ Նահանգներ, եթե կարող են մրցաշարն անցկացնել այստեղ՝ Մեքսիկայում։ Սա քննարկվում է, և մենք դրա մասին կհայտարարենք ժամանակին», – ասել է նա մամուլի ասուլիսում։
Նա հավելել է, որ Մեխիկոն կսպասի ՖԻՖԱ-ի որոշմանը այս հարցի վերաբերյալ և հետագայում կտեղեկացնի նրանց։ «Մեքսիկայի համար անհարմարություններ չկան», – ընդգծել է Շեյնբաումը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: