Տեղեկացրել ենք, որ Tete A Tete-ի հյուրն էր Ալեն Սիմոնյանը։ Դեռ մինչ հաղորդման հեռարձակումը միայն այն լուրը, որ թողարկումը լինելու է նրա մասնակցությամբ, արդեն մեծ քննարկումների առիթ էր դարձել սոցիալական ցանցերում։ Այսօր, երբ հաղորդումն արդեն եթեր է հեռարձակվել, ուշադրության կենտրոնում հայտնվեց նաև նրա խոսքը դերասան Հովհաննես Ազոյանի մասին։
Հաղորդման ընթացքում հաղորդավարը հիշեցրել է, որ երբ Ազոյանը եղել է իր հյուրերից, ասել էր. «Երբ իմ ընկերները դառնում են իշխանություն, ավտոմատ դառնում են նաև ոչ իմ ընկերները»։
Այնուհետև հաղորդավարը հարց է ուղղել Սիմոնյանին․ ինչպիսի՞ն են այսօր իր հարաբերությունները Հովհաննես Ազոյանի հետ և փորձե՞լ է արդյոք հասկանալ, թե ինչ է կատարվում դերասանի կյանքում։
Սիմոնյանը պատասխանել է. «Հովհաննեսը իմ ընկերն է, ես ունեմ իր հետ լավ հարաբերություններ, հիմա չգիտեմ իր մոտ բիպոլյարնի շեղում է, թե ինչ»։