Իրանի նախագահ Մասուդ Փեզեշքիանը հայտարարել է, որ ԱՄՆ-ի և Իսրայելի կողմից սանձազերծված Մերձավոր Արևելքի հակամարտությանը վերջ դնելու միակ ճանապարհը Թեհրանի իրավունքների ճանաչումն է, փոխհատուցումների վճարումը և միջազգային երաշխիքների տրամադրումը, որ ագրեսիան չի կրկնվի։
«Ռուսաստանի և Պակիստանի ղեկավարների հետ բանակցությունների ժամանակ ես վերահաստատեցի Իրանի հանձնառությունը տարածաշրջանում խաղաղության հաստատմանը։ Սիոնիստական ռեժիմի և Միացյալ Նահանգների կողմից սանձազերծված այս պատերազմը դադարեցնելու միակ ճանապարհը Իրանի օրինական իրավունքների ճանաչումն է, փոխհատուցումների վճարումը և ապագա ագրեսիայի դեմ միջազգային ամուր երաշխիքների տրամադրումը», – գրել է նա X սոցիալական ցանցում։