Համաշխարհային էներգետիկ անվտանգության պահպանումը հնարավոր է միայն Ռուսաստանի և Միացյալ Նահանգների միջև բանակցությունների միջոցով։ Այս մասին հայտարարել է Ռուսաստանի նախագահի արտասահմանյան երկրների հետ ներդրումների և տնտեսական համագործակցության հարցերով հատուկ ներկայացուցիչ, Ռուսաստանի ուղղակի ներդրումների հիմնադրամի (RDIF) ղեկավար Կիրիլ Դմիտրիևը։
«Ռուս-ամերիկյան երկխոսությունը կենսական նշանակություն ունի ամբողջ աշխարհի համար, քանի որ միայն Ռուսաստանի հետ միասին կարող ենք վերականգնել և ապահովել համաշխարհային էներգետիկ անվտանգությունը»,- գրել է նա Facebook-ում։
Դմիտրիևը նախկինում հաղորդել էր Միացյալ Նահանգների հետ Ռուսաստանի դեմ պատժամիջոցների մեղմացման վերաբերյալ քննարկումների մասին։
Մարտի 9-ին՝ Մերձավոր Արևելքի հակամարտության ֆոնին, Brent տեսակի նավթի գինը 2022 թվականի օգոստոսից ի վեր առաջին անգամ գերազանցեց 100 դոլարը մեկ բարելի համար՝ հասնելով 119 դոլարի։ Բնական գազի գինը եվրոպական բորսայում առևտրի բացման ժամանակ գերազանցեց 800 դոլարը 1000 խորանարդ մետրի համար՝ առաջին անգամ 2023 թվականի հունվարից ի վեր։