Ֆրանսիան ժամանակավորապես թույլատրել է ամերիկյան ինքնաթիռներին օգտագործել Մերձավոր Արևելքում գտնվող իր ռազմաբազաները։ Այս մասին հայտնել է AFP գործակալությունը՝ հղում անելով հանրապետության Զինված ուժերի գլխավոր շտաբին, հայտնում է ՏԱՍՍ-ը։
«ԱՄՆ-ի հետ մեր հարաբերությունների շրջանակներում նրանց թռչող սարքերի ներկայությունը ժամանակավորապես թույլատրվել է տարածաշրջանում գտնվող մեր բազաներում»,- գործակալությունը մեջբերում է Գլխավոր շտաբի ներկայացուցչի հայտարարությունը։
Ըստ պաշտոնական աղբյուրի՝ այդ ինքնաթիռներն օգնում են տարածաշրջանում Ֆրանսիայի գործընկերների պաշտպանությանը։ Թե կոնկրետ որ բազաների մասին է խոսքը, չի հստակեցվում։
Հիշեցնենք, որ ավելի վաղ Իսպանիան մերժել էր ԱՄՆ-ին օգտագործել իր տարածքում գտնվող ռազմաբազաները Իրանի դեմ գործողությունների համար։ Ի պատասխան՝ ԱՄՆ նախագահ Դոնալդ Թրամփը հայտարարել էր, որ Միացյալ Նահանգները մտադիր է խզել բոլոր առևտրային հարաբերությունները թագավորության հետ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: