Իրանա-իսրայելական հակամարտությամբ պայմանավորված՝ Քուվեյթում Ֆրանսիայի դեսպանատունը հայտարարել է դիվանագիտական առաքելության գործունեությունը ժամանակավորապես դադարեցնելու որոշման մասին:
Դեսպանատունը Ֆրանսիայի քաղաքացիներին հորդորել է խստորեն հետևել Քուվեյթի տեղական իշխանությունների ցուցումներին և սահմանափակել ոչ անհրաժեշտ տեղաշարժերը։
Նշվում է, որ դեսպանատան շենքը ժամանակավորապես փակ է այցելուների համար, և Ֆրանսիայի քաղաքացիներին կոչ է արվել չայցելել դեսպանատուն։ Քաղաքացիներին առաջարկվել է թարմացումների համար հետևել դեսպանատան պաշտոնական էջերին, կայքին և ճամփորդական խորհրդատվության հարթակին։
Հայտարարության համաձայն՝ դեսպանատունը շարունակում է իրավիճակը մշտադիտարկել՝ համագործակցելով համապատասխան կառույցների հետ և զարգացումների մասին կտրամադրի լրացուցիչ տեղեկատվություն։
Իսրայելն ու ԱՄՆ-ն փետրվարի 28-ին հայտարարել էին Իրանի դեմ լայնածավալ մարտական գործողություններ սկսելու մասին: Ի պատասխան՝ Իրանը հայտարարել էր Իսրայելի և տարածաշրջանում ամերիկյան թիրախների դեմ հրթիռային գործողության մեկնարկի մասին: Մարտի 1-ին Իրանը հաստատել էր երկրի Գերագույն հոգևոր առաջնորդ այաթոլլա Ալի Խամենեիի մահը: Երկու կողմում էլ զոհերի թիվը ժամ առ ժամ փոխվում է։
