Քաթարը, Սէուտական Արաբիան, Պահրէյնը, Յորդանանը, Քուէյթը, Արաբական Միացեալ Էմիրութիւններն ու Միացեալ Նահանգները միացեալ հաղորդագրութիւն մը հրապարակելով դատապարտեցին «Իրանի անկանոն յարձակումները»:
«Այս անարդարանալի յարձակումները թիրախաւորեցին գերիշխան տարածքներ, քաղաքայիններու կեանքերը վտանգեցին եւ քաղաքային ենթակառոյցներու վնասներ պատճառեցին, ինչ որ վտանգաւոր մագլցում ու շրջանին անվտանգութեան ու կայունութեան սպառնալիք է», յայտնեցին անոնք:
«Իրանեան անկանոն ու անպատասխանատու հարուածները ներառեցին Պահրէյնն ու Իրաքը, ներառեալ Իրաքի Քրտական ինքնավար մարզը, Յորդանանը, Քուէյթը, Օմանը, Քաթարը, Սէուտական Արաբիան ու Արաբական Միացեալ Էմիրութիւնները», նշեց հաղորդագրութիւնը:
Քաթարը, Սէուտական Արաբիան, Պահրէյնը, Յորդանանը, Քուէյթը, Արաբական Միացեալ Էմիրութիւններն ու Միացեալ Նահանգները նաեւ ընդգծեցին, որ կողք-կողքի կը կանգնին առ ի պաշտպանութիւն իրենց քաղաքացիներուն, գերիշխանութեան եւ հողերուն, ինչպէս նաեւ անգամ մը եւս ընդգծեցին «ինքնապաշտպանութեան մեր իրաւունքը»` շեշտելով շրջանային անվտանգութեան նկատմամբ իրենց յանձնառութիւնը:
Անոնք բարձր գնահատեցին օդային պաշտպանութեան ոլորտին մէջ ազդու գործակցութիւնը, որ արգելք հանդիսացաւ կեանքերու աւելի մեծ կորուստներու եւ քանդումի արձանագրման: