ԱՄՆ նախագահ Դոնալդ Թրամփը պնդում է, որ Իրանին կարող է առնվազն մի քանի տարի պահանջվել ԱՄՆ-ի և Իսրայելի ուժերի հարձակումից վերականգնվելու համար։ Նա այս գնահատականը տվել է Axios-ին տված հարցազրույցում։
«Ես կարող եմ ձգձգել սա և ամեն ինչ ստանձնել, կամ կարող եմ ավարտել այն երկու կամ երեք օրում և ասել իրանցիներին. «Կհանդիպենք մի քանի տարի անց, եթե սկսեք վերակառուցել (ձեր միջուկային և հրթիռային ծրագրերը)», – ասել է Սպիտակ տան ղեկավարը։ «Ամեն դեպքում, նրանց մի քանի տարի կպահանջվի այս հարձակումից վերականգնվելու համար», – հավելել է նա։