Մեծ Բրիտանիան տարհանել է Իրանում իր դեսպանատան աշխատակիցներին՝ տարածաշրջանում ռազմական հակամարտության սպառնալիքի պատճառով։ Այս մասին նշվում է Մեծ Բրիտանիայի կառավարության կայքում։
«Բրիտանական աշխատակիցները ժամանակավորապես հեռացվել են Իրանից։ Մեր դեսպանատունը շարունակում է հեռակա աշխատել», – նշված է հաղորդագրության մեջ։
Հունվարին ԱՄՆ-ն զգուշացրել է, որ լրջորեն պատրաստ է ուժ կիրառել, եթե Թեհրանը չնստի բանակցությունների սեղանի շուրջ և չհասնի «արդար համաձայնության», որը ենթադրում է միջուկային զենքից լիակատար հրաժարում։ Իրանի իշխանությունները բազմիցս հայտարարել են, որ չունեն միջուկային ռումբ մշակելու մտադրություն։ Պենտագոնը զգալի ուժեր է կուտակել Մերձավոր Արևելքում, այդ թվում՝ երկու ավիակիր հարվածային խմբեր։