Ազրպէյճանական լրատուամիջոցներ կը հաղորդեն, որ Ազրպէյճան 4500 թոն մազութ պիտի ուղարկէ Հայաստան: Մազութը Հայաստան պիտի ուղարկուի երկաթուղային ճամբով` Վրաստանի տարածքով:
19 դեկտեմբեր 2025-ին Հայաստան ներածուած էր ազրպէյճանական «Էյ-95» տեսակի պենզին` 1218 թոն կշիռով:
Ազրպէյճանական պենզինը ներածած ընկերութիւնները սկսան Հայաստանի մէջ «Փրիմիում» տեսակի պենզինի մէկ լիթրը վաճառել 430 դրամով: Նախապէս մէկ լիթրին գինը 510 դրամ էր:
7 յունուար 2026-ին ալ յայտնի դարձաւ, որ Ազրպէյճանը վառելանիւթի երկրորդ քանակը կը մատակարարէ Հայաստան` 1000 թոն «Էյ-92» տեսակի պենզին, նոյնքան մազութ եւ 1800 թոն «Էյ-95» տեսակի պենզին: