Իրանի դատարանը մահապատժի դատավճիռ է կայացրել բողոքի ցույցերի մասնակից մի տղամարդու նկատմամբ։ Նա մեղադրվում է «Աստծո դեմ թշնամության» համար։
Տղամարդու ընտանիքին մոտ կանգնած աղբյուրը Reuters-ին հայտնել է, որ ենթադրվում է՝ սա առաջին նման դատավճիռն է, որը կապված է հունվարին տեղի ունեցած զանգվածային բողոքի ակցիաների հետ։
Ենթադրվում է, որ բողոքի ակցիաների ճնշման ընթացքում հազարավոր մարդիկ են զոհվել։ Դրանք համարվում են Իրանում 1979 թվականի իսլամական հեղափոխությունից ի վեր ամենախոշոր ներքին անկարգությունները։
Անկարգությունների ընթացքում ԱՄՆ նախագահ Դոնալդ Թրամփը զգուշացրել էր Թեհրանին, որ կարող է հրամայել ռազմական գործողություններ, եթե մահապատիժներն իրականացվեն։