Հունգարիայի վետոյից հետո ԵՄ արտաքին դիվանագիտության ղեկավար Կայա Կալլասը հայտարարել է, որ 20-րդ պատժամիջոցների փաթեթի վերաբերյալ քննարկումները տեղի կունենան երկուշաբթի օրը, սակայն այս հարցում առաջընթացը քիչ հավանական է։
Կիրակի օրը Հունգարիայի արտաքին գործերի նախարար Պետեր Սիյարտոն հայտարարել էր, որ Բուդապեշտը կարգելափակի Եվրամիության հակառուսական պատժամիջոցների 20-րդ փաթեթը՝ Կիևի իշխանությունների կողմից Ռուսաստանից «Դրուժբա» խողովակաշարով դեպի Հունգարիա և Սլովակիա նավթի տարանցումը վերսկսելու ձախողման պատճառով։
«Քննարկումներ 20-րդ փաթեթի վերաբերյալ տեղի կունենան, բայց ինչպես բոլորդ գիտեք, կարծում եմ՝ այսօր այս հարցում առաջընթաց չի լինի, բայց մենք կշարունակենք առաջ մղել այս հարցը», – ասել է նա ԵՄ արտաքին գործերի նախարարների հանդիպումից առաջ։