ԱՄՆ վարչակազմը պլանավորում է սերտորեն համագործակցել ՄԱԿ-ի հետ՝ դրա ներուժը բացահայտելու և Խաղաղության խորհրդի հսկողության ներքո դրա արդյունավետ գործունեությունն ապահովելու համար։ ԱՄՆ նախագահ Դոնալդ Թրամփն այս մասին հայտարարել է Խաղաղության խորհրդի առաջին նիստում։
«Մենք շատ սերտորեն համագործակցելու ենք Միավորված Ազգերի Կազմակերպության հետ։ Մենք նրանց կյանքի ենք կոչելու։ Կարծում եմ՝ ՄԱԿ-ն ունի հսկայական ներուժ, իսկապես հսկայական ներուժ։ Խաղաղության խորհուրդը, ըստ էության, կհսկի Միավորված Ազգերի Կազմակերպությունը և կապահովի դրա պատշաճ գործունեությունը», – ասել է Թրամփը։
Նախագահը նշել է, որ Վաշինգտոնը մտադիր է կազմակերպությանը ֆինանսական աջակցություն ցուցաբերել և օգնել արդիականացնել դրա ենթակառուցվածքները։ Թրամփի խոսքով՝ չնայած անցյալում ՄԱԿ-ը միշտ չէ, որ արդարացրել է իր ներուժը, պատշաճ աջակցության և վերահսկողության դեպքում այն պետք է դառնա միջազգային քաղաքականության կենսունակ և շատ ավելի ուժեղ գործիք։