Սանկտ Պետերբուրգի գիտնականները ստեղծել են սարք, որը հնարավորություն է տալիս արագ բացահայտել այն բջիջների վնասվածքները, որոնք արագացնում են ծերացումը և առաջացնում քաղցկեղ: Ռուսական գիտական հիմնադրամի (ՌԳՀ) հաղորդմամբ՝ սարքը նախկին ախտորոշիչ միջոցների ճշգրտությանը 1,5-2 անգամ գերազանցում է և հիմք է դնում նոր սերնդի էքսպրես թեստերի ստեղծման համար։
Մարդու օրգանիզմում ակտիվ թթվածնի տեսակները կուտակվում են ծխելու, ալկոհոլի օգտագործման, աղտոտված օդ շնչելու, քրոնիկ հիվանդությունների և մի շարք այլ պատճառների հետևանքով։ Այդ մասնիկները առաջացնում օքսիդատիվ սթրես՝ վիճակ, որը արագացնում է ծերացումը և բարձրացնում քաղցկեղի, ինչպես նաև գլխուղեղի, սրտի և անոթների հիվանդությունների ռիսկը:
Գիտնականները մշակել են միկրոֆլուիդային չիպ։ Սա թույլ է տալիս արագ և ճշգրիտ որոշել օրգանիզմում ակտիվ թթվածնի մակարդակը: Ավարտող փորձերը ցույց են տվել, որ մշակված գործիքը 1,5-2 անգամ ավելի ճշգրիտ է ակտիվ թթվածնի մակարդակը չափելու հարցում։ Ըստ գիտնականների՝ սարքը բացում է ճանապարհը նոր սերնդի վերլուծական գործիքների ստեղծման համար՝ տարբեր բիոմեդիկական խնդիրների, օրինակ՝ հիվանդի մի կաթիլ արյան միջոցով էքսպրես անալիզներ կատարելու և քաղցկեղի բուժման արդյունավետությունը գնահատելու նպատակով։