Վերջերս Պրիւքսելի (Պելճիքա) մէջ տեղի ունեցաւ Ազգերու լիկայի Եւրոպայի գօտիի վիճակաձգութիւնը, ուր Գ. կարգին մաս կազմող Հայաստանի ազգային խումբը իր դէմ պիտի ունենայ Մոնթենեկրոն, Կիպրոսը եւ շատ հաւանաբար Լաթվիան: Լաթվիա պիտի մրցի Ճիպրալթարի դէմ, եւ յաղթականը պիտի ըլլայ Հայաստանի խմբակի 4-րդ խումբը:
Ա. կարգի առաջին խմբակին մաս պիտի կազմեն Ֆրանսա, Իտալիա, Պելճիքա եւ Թուրքիա: Բ. խմբակին մաս պիտի կազմեն Գերմանիա, Նետերլանտներ, Սերպիա եւ Յունաստան: Գ. խմբակին մաս պիտի կազմեն Սպանիա, Խրուաթիա Անգլիա եւ Չեխիա, մինչ Դ. խմբակին մաս պիտի կազմեն Փորթուգալ, Դանիա, Նորվեկիա եւ Կալես:
Բ. կարգի առաջին խմբակին մաս կը կազմեն Սկովտիա, Զուիցերիա, Սլովենիա եւ Մակեդոնիա: Բ. խմբակին մաս կը կազմեն Հունգարիա, Ուքրանիա, Վրաստան եւ Հիւսիսային Իրլանտա: Գ. խմբակին մաս կը կազմեն Իսրայէլ, Աւստրիա, Իրլանտա եւ Քոսովօ: Դ. խմբակին մաս կը կազմեն Լեհաստան, Պոսնիա, Ռումանիա եւ Շուէտ:
Գ. կարգի առաջին խմբակին մաս կը կազմեն Ալպանիա, Ֆինլանտա, Պիելոռուսիա եւ Սան Մարինօ, Բ. խմբակին, ինչպէս նշեցինք, Հայաստան, Մոնթենեկրօ, Կիպրոս եւ Լաթվիա-Ճիպրալթար զոյգէն յաղթականը: Գ. խմբակին մաս կը կազմեն Ղազախստան, Սլովաքիա, Ֆարօ կղզիներ եւ Մոլտովա: Դ. խմբակին` Իսլանտա, Պուլկարիա, Էսթոնիա եւ Լիւքսամպուրկ-Մալթա մրցումին յաղթականը: