ԱՄՆ նախագահ Դոնալդ Թրամփը հայտարարել է՝ ժամանակն է, որ Ուկրաինան արագ նստի բանակցությունների սեղանի շուրջ՝ Ռուսաստանի հետ հակամարտությունը լուծելու համար, փոխանցել է «ՌԻԱ Նովոստի»-ն։
«Ուկրաինան ավելի լավ է հնարավորինս շուտ նստի բանակցությունների սեղանի շուրջ։ Այսքանն եմ ասում ձեզ»,- լրագրողներին ասել է Թրամփը։
Ռուսաստանի, Ուկրաինայի և ԱՄՆ-ի միջև բանակցությունների առաջին փուլը տեղի էր ունեցել հունվարի 23-24-ն Աբու Դաբիում։ Կողմերը բանակցությունները բնութագրել էին որպես կառուցողական։ ԶԼՄ-ների տվյալներով՝ բանակցությունների ամենադժվար հարցը տարածքային խնդիրն է։
