Միացեալ Նահանգներու նախագահ Տանըլտ Թրամփ յայտարարեց. «Իրանի մէջ վարչակարգի փոփոխութիւնը կրնայ լաւագոյն բանը ըլլալ»:
«Իրանի վրայ որեւէ յարձակում պիտի չշղթայազերծենք, եթէ մեզի հետ ճիշդ համաձայնութիւն կնքէ», շեշտեց Սպիտակ տան ղեկավարը:
Միացեալ Նահանգներու նախագահը նախքան այդ յայտնեց, որ ամերիկեան երկրորդ օդանաւակիր մը` «Ճերըլտ Ֆորտ»-ը «մօտ օրէն» Միջին Արեւելք կը մեկնի` «առ ի պատրաստութիւն որեւէ արտակարգ իրավիճակի»:
«Կը կարծեմ, թէ Իրանի հետ բանակցութիւնները պիտի յաջողին, եւ եթէ ատիկա չիրականանայ, անոնց համար վատ օր մը պիտի ըլլայ», ըսաւ ան:
«Իրանի հետ համաձայնութեան չգոյացման պարագային երկրորդ օդանաւակիրի մը պէտք պիտի ունենանք», յայտնեց Թրամփ: