Թայլանդի հարավում գտնվող Պատոնգ քաղաքի դպրոցի տնօրենը մահացել է դպրոցի վրա հարձակման հետևանքով ստացած վնասվածքներից: Իշխանությունները հայտնում են, որ ատրճանակով զինված 18-ամյա մի տղա մտել է շենք և կրակ բացել։
Դպրոցի տնօրեն Սասիֆատ Սինսամոսորնը տեղափոխվել է Հաթ Յայի հիվանդանոց, սակայն բժիշկները չեն կարողացել փրկել նրան: Դպրոցի վարչակազմը ցավակցություն է հայտնել:
«Չնայած մենք կորցրել ենք նրան, նրա թողած հիշողություններն ու բարությունը հավերժ կմնան մեր սրտերում», – ասվում է հայտարարության մեջ։ Հարձակվողը, ըստ տեղեկությունների, վիրավորվել և ձերբակալվել է ոստիկանության կողմից: Հարձակման հետևանքով վիրավորվել է նաև 14-ամյա դպրոցական աղջիկ. նա հոսպիտալացվել է հրազենային վերքերով:
Մեկ այլ երեխա ընկնելու հետևանքով ստացել է կոճի վնասվածք։