4 փետրվարի 2026 – 18:19 AMT
PanARMENIAN.Net – Հայաստանի Ազգային ժողովի նախագահ Ալեն Սիմոնյանը փետրվարի 5-ին հանդիպում կունենա Ռուսաստանի արտաքին գործերի նախարար Սերգեյ Լավրովի հետ՝ Մոսկվա պաշտոնական այցի շրջանակում: Այդ մասին հայտնել է արտաքին քաղաքական գերատեսչության պաշտոնական ներկայացուցիչ Մարիա Զախարովան։
«Կողմերը կքննարկեն երկկողմ համագործակցությունն ու տարածաշրջանային հիմնահարցերը», — նշել է նա, հայտնում է Sputnik Արմենիան:
Նա ընդգծել է, որ «հատուկ ուշադրություն է դարձվելու Մոսկվայի և Երևանի փոխգործակցությանը համատեղ եվրասիական կառույցներում և այս ուղղությամբ երկխոսությանը»։
ԱԺ նախագահ Ալեն Սիմոնյանը, խոսելով TRIPP-ին ՌԴ-ի հավանական մասնակցության մասին, ասել է, որ դա «մի քիչ աբսուրդային է համարում»՝ հավելելով, որ դա «կնշանակի՝ ամեն ինչ անել, որ TRIPP-ը չաշխատի»: Սիմոնյանն այդպես է պատասխանել այն հարցին, թե հնարավոր է արդյոք փետրվարի 5-ին՝ ՌԴ պաշտոնական այցի շրջանակում, քննարկվի Ռուսաստանի մասնակցությունը TRIPP-ին: