https://arm.sputniknews.ru/20260131/majr-atvory-datapartum-e-ishkhanutjunneri-hertakan-mijamtutjuny-ekeghecu-nerqin-gvortserin-98282808.html
Մայր աթոռը դատապարտում է իշխանությունների հերթական միջամտությունը եկեղեցու ներքին գործերին
Մայր աթոռը դատապարտում է իշխանությունների հերթական միջամտությունը եկեղեցու ներքին գործերին
Sputnik Արմենիա
Մայր աթոռը կոչ է անում ՀՀ իշխանությանը և իրավապահ համակարգին գործել բացառապես ՀՀ Սահմանադրության և օրենքի շրջանակներում։ 31.01.2026, Sputnik Արմենիա
2026-01-31T21:11+0400
2026-01-31T21:11+0400
2026-01-31T21:17+0400
հայաստան
մայր աթոռ սուրբ էջմիածին
քրեական գործ
հհ քննչական կոմիտե
https://cdn.am.sputniknews.ru/img/07e9/0c/1c/97305812_0:39:1044:626_1920x0_80_0_0_5487fc48a355c31f0621f3d24e765b18.jpg.webp
ԵՐԵՎԱՆ, 31 հունվարի – Sputnik. Մայր աթոռը խստորեն դատապարտում է ՀՀ Սահմանադրության և օրենքների բացահայտ խախտումներով իշխանությունների հերթական միջամտությունը եկեղեցու ներքին գործերին։ Այս մասին հայտարարություն է տարածել Մայր աթոռի տեղեկատվական համակարգը։Ավելի վաղ տեղեկացրել էինք, որ Գերագույն հոգևոր խորհրդի 6 հոգևորական անդամների նկատմամբ քրեական վարույթ է նախաձեռնվել և քրեական հետապնդում է հարուցվել դատական ակտի կատարումը խոչընդոտելու մեղադրանքով։ Քրեական հետապնդման շրջանակում արգելափակվել է ԳՀԽ եպիսկոպոս անդամների ելքը երկրից։Մայր աթոռը կոչ է անում Հայաստանի Հանրապետության իշխանությանը և իրավապահ համակարգին գործել բացառապես ՀՀ Սահմանադրության և օրենքի շրջանակներում, արդարության և ճշմարտության բարձրագույն սկզբունքներին հավատարմությամբ և հարգել եկեղեցու ինքնավարության իրավունքը։Հիշեցնենք` Մասյացոտնի թեմի նախկին առաջնորդ, կարգալույծ արված Գևորգ եպիսկոպոս Սարոյանի (Արման Սարոյանի) «գործով» այսօր ՔԿ էին կանչվել 6 բարձրաստիճան հոգևորականներ` Գուգարքի և Սյունիքի թեմերի առաջնորդները՝ եպիսկոպոսներ Հովնան Հակոբյանը և Մակար Հակոբյանը, Մայր աթոռի արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանը, Եկեղեցականաց և երիտասարդաց վերապատրաստման ծրագրերի տնօրեն Վահան եպիսկոպոս Հովհաննիսյանը, Մայր աթոռի միաբան Հայկազուն արքեպիսկոպոս Նաջարյանը և Մայր աթոռի վարչատնտեսական բաժնի տնօրեն Մուշեղ եպիսկոպոս Բաբայանը։Մակար սրբազանի խափանման միջոցի մասին խոսելու վերաբերյալ արգելք է դրվել, իսկ մյուսներին արգելվել է բացակայել Հայաստանից։Նշենք, որ փետրվարի 16-19-ը Ավստրիայի Սանկտ Փյոլթըն քաղաքում Ամենայն հայոց կաթողիկոս Գարեգին Երկրորդի հրավերով պետք է տեղի ունենա Եպիսկոպոսաց ժողովը։ Հունվարի 29-ին ՔԿ–ն հայտնեց, որ Հայաստանյաց առաքելական եկեղեցու դեմ քրեական վարույթ է նախաձեռնել Մասյացոտնի թեմի նախկին առաջնորդ, կարգալույծ արված Գևորգ եպիսկոպոս Սարոյանի (Արման Սարոյանի) «գործով» (դատական ակտը չկատարելը)։ Նման արգելքների պարագայում բարձրաստիճան հոգևորականները չեն կարողանա մեկնել երկրից։
2026
Լուրեր
am_HY
https://cdn.am.sputniknews.ru/img/07e9/0c/1c/97305812_81:0:965:663_1920x0_80_0_0_ca6f186a2b0828666e108ad2de7a2b07.jpg.webp
հայաստան, մայր աթոռ սուրբ էջմիածին, քրեական գործ, հհ քննչական կոմիտե
հայաստան, մայր աթոռ սուրբ էջմիածին, քրեական գործ, հհ քննչական կոմիտե
Մայր աթոռը կոչ է անում ՀՀ իշխանությանը և իրավապահ համակարգին գործել բացառապես ՀՀ Սահմանադրության և օրենքի շրջանակներում։
ԵՐԵՎԱՆ, 31 հունվարի – Sputnik. Մայր աթոռը խստորեն դատապարտում է ՀՀ Սահմանադրության և օրենքների բացահայտ խախտումներով իշխանությունների հերթական միջամտությունը եկեղեցու ներքին գործերին։ Այս մասին հայտարարություն է տարածել Մայր աթոռի տեղեկատվական համակարգը։
«Հունվարի 31-ին Գերագույն հոգևոր խորհրդի հոգևորական անդամներին ծանուցագրեր են հղել և պահանջել որպես մեղադրյալ ներկայանալ ՀՀ քննչական կոմիտե, ինչը վերստին ակնհայտ վկայություն է Հայաստանյայց առաքելական սուրբ եկեղեցու դեմ ձեռնարկված արշավի և հոգևորականների նկատմամբ իրականացվող բռնաճնշումների։ Այս դատապարտելի գործընթացը մեր պետության օրենքներով և միջազգային պայմանագրերով ամրագրված մարդու հիմնարար իրավունքների կոպտագույն խախտում է, որի նպատակն է խաթարել Հայ առաքելական եկեղեցու բնականոն գործունեությունը, մասնավորաբար առաջիկայում Ավստրիայում գումարվելիք եպիսկոպոսական ժողովի աշխատանքները»,– ասված է Մայր աթոռի հայտարարությունում։
Մայր աթոռը կոչ է անում Հայաստանի Հանրապետության իշխանությանը և իրավապահ համակարգին գործել բացառապես ՀՀ Սահմանադրության և օրենքի շրջանակներում, արդարության և ճշմարտության բարձրագույն սկզբունքներին հավատարմությամբ և հարգել եկեղեցու ինքնավարության իրավունքը։