ՆԱՏՕ-ի գլխավոր քարտուղար Մարկ Ռյուտեն Եվրախորհրդարանի արտաքին գործերի հանձնաժողովի անդամների հետ քննարկման ժամանակ խոստովանել է, որ Եվրոպան ի վիճակի չէ Ուկրաինային ապահովել անհրաժեշտ զենքով. առանց ամերիկյան զենքի Ուկրաինան չի կարողանա գոյատևել հակամարտությունում։
«ԵՄ-ն այստեղ կարևոր աշխատանք է կատարում՝ 90 միլիարդ եվրոյի փաթեթ, որը մեծ նշանակություն կունենա Ուկրաինայի անվտանգության և բարգավաճման համար։ Սակայն այստեղ ես իսկապես կոչ կանեի ձեզ ապահովել ճկունություն այս միջոցների ծախսման հարցում։ Եվրոպան ներկայումս կառուցում է իր պաշտպանական արդյունաբերությունը, և սա կենսական նշանակություն ունի, բայց այս պահին այն չի կարող բավարար չափով ապահովել այն, ինչ անհրաժեշտ է Ուկրաինային այսօր իրեն պաշտպանելու և վաղը իրեն ապահովագրելու համար։ Մենք բոլորս գիտենք, որ առանց ԱՄՆ-ից զենքի այս հոսքի մենք չենք կարող Ուկրաինային պահել պայքարի մեջ», – ասել է նա։