Առնվազն երկու մարդ է զոհվել, երբ նավը խորտակվել է Հուանգյան կղզու (Սկարբորո) մոտ գտնվող ջրերում, որը Չինաստանի և Ֆիլիպինների միջև տարածքային վեճի առարկա է Հարավչինական ծովում։ Այս մասին հաղորդել է Չինաստանի կենտրոնական հեռուստատեսությունը։
Խորտակված բեռնատար նավը Ֆիլիպիններից ուղևորվում էր Չինաստանի հարավային Գուանդուն նահանգ։ Նավում 21 մարդ կար։ Հուանգյան կղզուց մոտ 55 ծովային մղոն հյուսիս-արևմուտք գտնվող նավը խորտակվել է և կորցրել կապը։
Ժողովրդական ազատագրական բանակի հարավային հրամանատարությունը փրկարարական գործողություն է սկսել։ Անձնակազմի տասնչորս անդամ փրկվել է։ Բժիշկները պայքարում են մեկ այլ անձի կյանքի համար։
Փրկարարները շարունակում են որոնել անձնակազմի մնացած անդամներին։