Թուրքիան ուշադիր հետևում է Իրանում տեղի ունեցող իրադարձություններին և չի աջակցում Իրանի դեմ ռազմական ուժի կիրառման սցենարին, հայտարարել է Թուրքիայի արտաքին գործերի նախարար Հաքան Ֆիդանը։
Նա հույս է հայտնել, որ ԱՄՆ-ն ու Իրանը կկարողանան լուծել խնդիրներն ուղիղ երկխոսության, միջնորդների կամ այլ դերակատարների միջոցով։
«Թուրքիայի շահերից է բխում, որ Իրանը լուծի իր խնդիրները միջազգային խաղացողների հետ և որ անկայունության հանգեցնող իրադարձություններ տեղի չունենան», – ասել է նախարարը։
Նա նշել է, որ Իրանում ցանկացած ապակայունացում կարող է ունենալ ծանր հետևանքներ ողջ տարածաշրջանի համար, ինչը «տարածաշրջանի դիմադրողականությունից վեր է»։