Թթվածնի անբավարարության պատճառը, ինչպես նշել է հայտնի ամերիկացի բժիշկ Պոլ Բրեյքը, մակերեսային և կիսատ շնչառությունն է, որը զրկում է մեր օրգանիզմը կենսական կարևոր էներգիայի աղբյուրից` թթվածնից, և հանգեցնում վաղաժամ ծերացման: Այս մասին գրում է doctors.am-ը:
Մեր մարմինը ի սկզբանե ստեղծված է եղել ավելի հարուստ թթվածնային միջավայրի համար։ Այսօր օդում թթվածինը զգալիորեն նվազել է, և դրան գումարվում են նաև մեր առօրյա սովորությունները՝ սթրես, նստակյաց կյանք, սխալ սնունդ ու թոքերի ոչ լիարժեք օգտագործում։
Թթվածինը մասնակցում է բոլոր կենսական պրոցեսներին՝
- արագացնում է նյութափոխանակությունը,
- ապահովում է էներգիայի արտադրությունը,
- ամրացնում է իմունիտետը,
- հանգստացնում է նյարդային համակարգը և օգնում պայքարել սթրեսի դեմ։
Այդ պատճառով էլ լիարժեք շնչելը առողջ և երիտասարդ կյանքի բանալին է։
Ինչպես կարգավորել շնչառությունը
Շնչառական վարժությունները ոչ միայն հագեցնում են օրգանիզմը թթվածնով, այլև սովորեցնում են այն ճիշտ յուրացնել։ Հայաստանում արդեն ներկայացված է «Աերոֆլեքս» ծրագիրը, որը համադրում է յոգայի, ցիգունի և ժամանակակից բժշկական մեթոդների լավագույն կողմերը։
Ինչ է տալիս ծրագիրը․
- թթվածնով հագեցում և նյութափոխանակության կարգավորում,
- ավելորդ ճարպերի և տոքսինների քայքայում,
- մկանային կորսետի ամրացում,
- ողնաշարի և կեցվածքի խնդիրների կանխարգելում,
- նյարդային համակարգի կայունացում։
Վարժությունները կատարվում են ստատիկ դիրքերում՝ համադրելով շնչառական տեխնիկան և մկանային ձգումները։ Դրանք հեշտ են, հասանելի բոլոր տարիքի ու պատրաստվածության մարդկանց համար և չունեն հակացուցումներ։
Մակերեսային շնչառության վտանգները
Շատերը շնչում են միայն կրծքով, այսինքն՝ օգտագործում են թոքերի ընդամենը փոքր մասը։ Արդյունքում՝
- օրգանիզմը չի ստանում բավարար թթվածին,
- կուտակվում են տոքսիններ,
- առաջանում է ավելորդ քաշ,
- մեծանում է սիրտ-անոթային և նյարդային խնդիրների վտանգը։
Իսկ որովայնով շնչելիս թթվածինը թափանցում է ավելի խորը շերտեր, արյունը հարստանում է էներգիայով, իսկ օրգանիզմը բնականորեն մաքրվում է։
Ահա մի քանի տեխնիկա, որ կարող եք կիրառել ինքներդ։
Տեխնիկա 1. Ուղիղ նստե՛ք, մի ձեռքը դրե՛ք որովայնին, մյուսը՝ կրծքավանդակին։ Խորը շու՛նչ քաշեք։ Եթե շարժվում է միայն կուրծքը, ապա շնչում եք մակերեսային։ Եթե շարժվում է որովայնը՝ ճիշտ ուղու վրա եք։
Տեխնիկա 2. Պառկեք, որևէ գիրք դրեք որովայնին և փորձեք ներշնչել այնպես, որ գիրքը բարձրանա։ Սա սովորեցնում է ստոծանիական շնչառություն։
Տեխնիկա 3. Միշտ շնչե՛ք քթով։ Քիթը ոչ միայն տաքացնում և մաքրում է օդը, այլև ապահովում է թթվածնի լիարժեք մատակարարում։
Տեխնիկա 4. «Եռանկյունաձև շնչառություն»․
- ներշնչում՝ հաշվելով մինչև 4-ը,
- պահել շունչը՝ 4 վայրկյան,
- արտաշնչում՝ մինչև 4։
Փորձ 5. «Քառակուսային շնչառություն»․
- ներշնչում,
- դադար,
- արտաշնչում,
- դադար։
Տեխնիկա 6. Խորը արտաշնչում։ Շատ կարևոր է ոչ միայն ներշնչել, այլև ամբողջությամբ արտաշնչել, որպեսզի թոքերից դուրս գան բոլոր մնացորդային գազերը։
Ինչու արժե ուշադրություն դարձնել շնչառությանը
Շնչառությունը միակ գործընթացն է, որը միաժամանակ տեղի է ունենում ինքնաբերաբար և ղեկավարվում է։ Սովորելով ճիշտ շնչել՝ մենք կարող ենք ազդել ամբողջ օրգանիզմի աշխատանքի վրա՝ սկսած նյութափոխանակությունից մինչև նյարդային համակարգի կայունացումը։
Որպեսզի կյանքը լինի թեթև, էներգիայով լի և առողջ՝ պարզապես սովորեք լիաթոք շնչել։