Իրանի և Միացյալ Նահանգների միջև բանակցությունները վերսկսելու համար ներկայումս հարմար պայմաններ չկան, չորեքշաբթի օրը հայտարարել է Իրանի արտաքին գործերի նախարար Աբբաս Արաղչին։
«Ներկայիս իրավիճակը նպաստավոր չէ ԱՄՆ-ի հետ բանակցությունների համար՝ ամերիկյան քաղաքականության պատճառով», – Արաղչիի խոսքերն է մեջբերում Mehr լրատվական գործակալությունը։
Նա ընդգծել է, որ Իրանը երբեք չի հրաժարվել Միացյալ Նահանգների հետ երկխոսությունից, սակայն այն պետք է վարվի հարգանքով և փոխադարձ շահերը հաշվի առնելով։