Եգիպտոսի արտաքին գործոց նախարար Պատր Ապտելաթի յայտնեց, թէ Եգիպտոսի, Համաս շարժումի եւ պաղեստինեան խմբաւորումներուն միջեւ Կազայի մէջ յաջորդ փուլի դասաւորումներու ծիրին մէջ գործակցութիւն ու շարունակուող ներգրաւուածութիւն գոյութիւն ունի:
Եգիպտական դիւանագիտութեան պետը նշեց, որ զէնքի մենաշնորհման եւ պաղեստինեան համապարփակ հովանիի տակ հաւաքագրման շուրջ համաձայնութիւններ գոյութիւն ունին, եւ ատիկա «ուղղուածութիւն մըն է, որուն շուրջ պաղեստինեան խմբաւորումներուն միջեւ համաձայնութիւն գոյութիւն ունի»:
Ան յայտնեց, որ այս առումով գոյութիւն ունի կարեւոր բնորդ մը, որ զէնքի մենաշնորհման Հիւսիսային Իրլանտայի բնորդն է:
Ապտելաթի ընդգծեց, որ պաղեստինցիներուն տեղահանումը կը շարունակէ Եգիպտոսի համար նախագահ Ապտել Ֆաթթահ Սիսիի կողմէ ճշդուած կարմիր գիծ մը ըլլալ:
«Եգիպտոս պաղեստինցի ժողովուրդին նկատմամբ որեւէ անիրաւութեան մասնակից պիտի չըլլայ», շեշտեց Եգիպտոսի արտաքին գործոց նախարարը:
Ան քննադատեց Կազայի մէջ կեանքը անկարելի դարձնելու ճամբով «կամաւոր տեղահանութիւն» բառախաղը:
Ապտելաթի ընդգծեց, որ իր երկիրը ամբողջովին կը մերժէ բռնի կամ կամաւոր տեղահանութիւնը` հակառակ իր դիրքորոշումէն ետդարձ կատարելու համար նախապէս ստացած առատաձեռն առաջարկներուն: