Telegraaf թերթի փոխանցմամբ՝ 1872 թվականին Ամստերդամում կառուցված Վոնդելկերկ եկեղեցում գիշերը բռնկված հրդեհի պատճառով փլուզվել են աշտարակը, կենտրոնական հատվածը և տանիքը, չնայած պատերը մնացել են անվնաս։
Ավելի վաղ հայտնել էինք, որ Նոր տարվա նախօրեին Ամստերդամի գրեթե 150-ամյա Վոնդելկերկ եկեղեցում հրդեհ է բռնկվել։ Հրշեջները Վոնդելկերկ եկեղեցում հրդեհը մարել են ժամը 11:00-ի սահմաններում (Երևանի ժամանակով 13:00-ին)։ Քամին և եկեղեցու չափերը զգալիորեն բարդացրել են հրդեհի մարման գործընթացը։ Հրդեհի հետևանքով փլուզվել է շենքի աշտարակի և կենտրոնական հատվածի մի մասը, ինչպես նաև տանիքի զգալի մասը։
«Մենք արեցինք հնարավոր ամեն ինչ՝ փրկելու այն, ինչ հնարավոր էր փրկել»,- ասել է հրշեջ ծառայության խոսնակը։
Հրդեհի պատճառը դեռևս անհայտ է։ Նախնական տեղեկությունների համաձայն՝ ոչ ոք չի տուժել։