«Բարսելոնայի» և Իսպանիայի հավաքականի հարձակվող Լամին Յամալը նշել է, թե որն է իր տանը պահվող ամենաարժեքավոր իրը։
«Ո՞րն է իմ տան ամենաարժեքավոր իրը։ Դա Ֆրանսիայի դարպասը խփած գնդակն է», — ասել է 17-ամյա հարձակվողն իր YouTube-յան ալիքում։
Հիշեցնենք, որ Լամինը գոլը խփել է Ֆրանսիայի հավաքականի դարպասը Եվրո-2024-ի կիսաեզրափակչում։ Իսպանիայի թիմը հաղթել էր այդ մրցաշարում՝ եզրափակչում 2:1 հաշվով առավելության հասնելով Անգլիայի ընտրանու նկատմամբ։
Ընդհանուր առմամբ, Յամալը հավաքականի կազմում անցկացրել է 23 խաղ, խփել 6 գոլ և կատարել 12 գոլային փոխանցում։