ՀՀ վարչապետ Նիկոլ Փաշինյանը շնորհակալություն է հայտնել իր ռուս և ադրբեջանցի գործընկերներին Եվրասիական տնտեսական Բարձրագույն խորհրդի ընդլայնված նիստում
ԵՐԵՎԱՆ, 21 դեկտեմբերի․/Նովոստի-Արմենիա/․ ՀՀ վարչապետ Նիկոլ Փաշինյանը շնորհակալություն է հայտնել իր ռուս և ադրբեջանցի գործընկերներին Եվրասիական տնտեսական բարձրագույն խորհրդի ընդլայնված նիստում։
«Ցանկանում եմ անկեղծ շնորհակալություն հայտնել Ռուսաստանի Դաշնության նախագահ Վլադիմիր Վլադիմիրի Պուտինին հյուրընկալության և այսօրվա նիստի գերազանց կազմակերպման համար»,-ասել է նա Սանկտ Պետերբուրգում կայացած Եվրասիական տնտեսական բարձրագույն խորհրդի նիստում։
Նա գնահատանք է հայտնել Ադրբեջանի Հանրապետության նախագահին` Ադրբեջանի տարածքով Հայաստան բեռների տարանցումն ապաշրջափակելու, ինչպես նաև երկկողմ առևտրի մեկնարկի համար պայմաններ ստեղծելու որոշման համար։
«Սա տարածաշրջանում խաղաղություն և կայունություն հաստատելու առաջին նշանակալի նվաճումներից մեկն է»,-ասել է նա։
