Ռուսական բանակը բալիստիկ հրթիռային հարված է հասցրել Ուկրաինայի Օդեսայի մարզի նավահանգստային ենթակառուցվածքներին։ Օդեսայի մարզի Պետական արտակարգ իրավիճակների ծառայության գլխավոր վարչության մամուլի ծառայության տվյալներով՝ արդեն զոհվել է ութ մարդ, վիրավորվել՝ գրեթե երեք տասնյակը։
«Օդեսայի մարզում ռուսական հարձակման հետևանքով զոհվել է ութ մարդ, ևս 27 մարդ վիրավորվել է։ Նրանցից մի քանիսը գտնվել են հարվածի էպիկենտրոնում գտնվող ավտոբուսում», – հայտնել են փրկարարները։ Նրանց տվյալներով՝ բեռնատարներ են հրդեհվել կայանատեղիում, վնասվել են նաև մեքենաներ։
Պետական արտակարգ իրավիճակների ծառայությունը նշել է, որ բոլոր հրդեհները արագորեն մարվել են։ Օդեսայի մարզային դատախազության մամուլի ծառայությունը հայտնել է, որ նախաքննություն է սկսվել: