15 դեկտեմբերի 2025 – 12:39 AMT
PanARMENIAN.Net – Եվրամիության անդամ պետությունների ԱԳ նախարարները դեկտեմբերի 15–ին Բրյուսելում մասնակցելու են արտաքին գործերի խորհրդի տարվա վերջին նիստին, որտեղ կքննարկեն Ուկրաինային, Մերձավոր Արևելքին և Չինաստանին վերաբերող հարցեր։ Հայաստանը ևս քննարկումների օրակարգում է։ Այդ մասին նիստից առաջ լրագրողներին է ասել ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրահանձնաժողովի փոխնախագահ Կայա Կալասը, հայտնում է Factor.am–ը։
«Հայաստանումընտրություններն են կայանալու։ Ի՞նչ կարող ենք մենք անել նրանց օգնելու համար։ Նրանք մեզնից նմանատիպ օգնություն են խնդրել՝ պայքարելու արտաքին ազդեցության դեմ, ինչպես օգնել ենք Մոդովային»,- ասել է Կալասը։
Ավելի վաղ հայտնի դարձավ, որ դեկտեմբերի 15-ին նախարար Արարատ Միրզոյանն մեկնել է Բրյուսել՝ մասնակցելու ԵՄ անդամ երկրների արտաքին գործերի նախարարների խորհրդի ձևաչափով կայանալիք հանդիպմանը։
Դեկտեմբերի 2–ին Բրյուսելում ՀՀ-ԵՄ գործընկերության խորհրդի 6-րդ նիստի արդյունքներով՝ Հայաստանն ու Եվրամիությունը ստորագրել են գործընկերության ռազմավարական օրակարգը։ Փաստաթուղթը ստորագրել են Հայաստանի արտաքին գործերի նախարար Արարատ Միրզոյանը և Եվրամիության արտաքին գործերի և անվտանգության քաղաքականության հարցերով բարձր հանձնակատար Կայա Կալասը։