Մինչեւ հոտընկայս կենացների բարձրությունից չիջնենք` չի ստացվի ոչ մի բան. Նիկոլ Փաշինյան

ՀՀ կառավարութան ընդունված «Պետական կառավարման համակարգի առանձին մարմինների կատարողականի գնահատման եւ դրա հիման վրա խրախուսման պիլոտային կարգը և պետական կառավարման համակարգի առանձին մարմինների ցանկը հաստատելու մասին» որոշմամբ առաջարկվում է պիլոտավորել նոր չափորոշիչների հիման վրա խրախուսման համակարգ՝ կատարողականի գնահատումների միջոցով։

Հաշվի առնելով, որ պետական կառավարման մարմինները արդեն իսկ գնահատվել են 2025 թվականի 1-ին կիսամյակի արդյունքներով, անհրաժեշտություն է առաջացել կիրարկել նշյալ որոշման կատարումը՝ խրախուսման ֆոնդ հատկացնելով պետական մարմիններին։ Այս հարցը  կառավարության նիստում ներկայացրեց փոխվարչապետ Տիգրան Խաչատրյանը:

Նշվեց, որ նպատակը պետական կառավարման համակարգի արդյունավետության բարձրացումն է, ինչպես նաև խրախուսված աշխատակիցների համար գիտական և կրթական կարողությունների զարգացման վրա ներդրումների կատարումը։

Նիկոլ Փաշինյանն ասաց, որ պետական մարմիններում աշխատանքը պետք է գնալով  ավելի գրավիչ  ու մրցունակ պետք է լինի: «Պետական աշխատանքի հարգը պետք է շարունակաբար ավելանա, իհարկե մենք պարտավոր ենք յուրաքանչյուր քաղաքացու վերաբերվել որպես գործատուի »,-ընդգծեց նա:

Անդրադարձ եղավ նաեւ աղքատության հաղթահարման խնդրին: Փաշինյանն ասաց, որ մարդկանց ծայրահեղ աղքատությունը կհաղթահարվի միայն կրթության ճանապարհով գնալու դեպքում: «Մինչեւ իրականությանը չառերեսվենք, հոտընկայս կենացների բարձրությունից չիջնենք, չի ստացվի ոչ մի բան…»,-ասաց նա:

Կառավարության նիստն ամբողջությամբ

 Գոհար ՀԱԿՈԲՅԱՆ