«Ութ տարին բավական երկար ժամանակ էր՝ ցույց տալու համար, եթե հայրենիքի համար գործելու մտայնություն և ծրագրեր կային։ Եթե ութ տարում չեն ցույց տվել և հակառակն են ցույց տվել, ես շատ-շատ կզարմանամ մեր՝ հրաշքների հավատալու այդ կարողության վրա, որ կառավարման իններորդ տարում Փաշինյանը որոշեց ի շահ հայրենիքի գործել։
Փնտրում է իշխանությունը պահպանելու հնարավորություններ։ Եվ կապ չունի՝ դրա դիմաց մենք ինչ ենք զիջում։ Մեր հաշվին, հայկական շահի հաշվին իշխանությունը պահպանելու հնարավորություններ է փնտրում։ Դրա համար էլ որևէ խոչընդոտ չունի տարբեր մայրաքաղաքներում իրարից 180 աստիճան տարբերվող խոստումներ տալու, որոնց գինը հետո մենք ենք վճարում»,- այս մասին այսօր՝ սեպտեմբերի 23-ին, հայտարարեց ԱԺ «Հայաստան» խմբակցության պատգամավոր Քրիստինե Վարդանյանը։
Մանրամասն՝ տեսանյութում։