«Նոտայից ստուդիա» հաղորդաշարում Մհեր Խաչատրյանը և ստեղծագործությունների անմիջական մասնակիցները ներկայացնում են Հանրային ռադիոյի երաժշտական ստուդիայում ձայնագրված գործերի հետաքրքիր ու քիչ հայտնի պատմությունները։
Էլվինա Մակարյանի, իր երաժշտության ու թողած ժառանգության մասին կարելի է անվերջ պատմել։ Այդ ժառանգության անբաժան մասն է նաև «Մայրամուտ» երգը, որը նորովի կատարվեց և ձայնագրվեց Հանրային ռադիոյում՝ Կենդանի ձայնադարանի՝ Էլվինա Մակարյանին նվիրված համերգի շրջանակներում։ Նրա երգերը նորովի մոտեցմամբ կատարել է Լուսինե Կչոզյանը, ով նաև եղել է Էլվինա Մակարյանի ուսանողուհին։