Երևանի քաղաքապետ Տիգրան Ավինյանը շնորհավորական ուղերձ է հղել ՀՀ անկախության առթիվ․
«Սիրելի հայրենակիցներ, 35 տարի առաջ Հայաստանի ժողովուրդն ընտրեց անկախությունը, և այս տարիների ընթացքում մենք ունեցել ենք շատ լուսավոր և շատ դժվարին օրեր, բայց կարծում եմ ամենակարևորը, որ հասկացել ենք, այն է, որ պետությունը տրված բան չէ։ Պետությունը պետք է ամրացնել, զարգացնել և կայացնել մեր ամենօրյա աշխատանքով։ Անկախությունը մեզ տվեց մեր երկրում ապրելու, ինքնուրույն որոշումներ կայացնելու իրավունք, և այս իրավունքը մենք պետք է փոխանցենք մեր զավակներին մեր ամենօրյա աշխատանքով՝ պահպանելով մեր անկախությունը և ամրացնելով մեր պետությունը։
Փա՜ռք նահատակներին և կեցցե՛ Հայաստանի Հանրապետությունը»։