«Ուժեղ Հայաստանը» Տիգրանաշենում նախատեսում է զբոսաշրջային գլեմփինգի գոտի ստեղծել և մոտ ժամանակներում շինթույլտվության դիմել, հայտարարել է խմբակցության ղեկավար Նարեկ Կարապետյանը։
Կարապետյանն այս մասին խոսել է Անկախության 35-ամյակի առթիվ Տիգրանաշենում կազմակերպված ծառատունկի ժամանակ։ Նրա խոսքով՝ ծառատնկված տարածքը հետագայում կարող է կոչվել «Անկախության այգի»։
Նրա խոսքով՝ շինթույլտվություն կպահանջվի ոչ թե ամբողջ տարածքի, այլ միայն նախատեսվող ռեստորանային հատվածի համար։
«Այսօր մեր անկախության մարտահրավերը Տիգրանաշենն է՝ պահել Տիգրանաշենը հայկական, զարգացնել և ոչ թե հանձնել։ Զարգացում և ոչ թե հանձնում. սա է մեր հիմնական գաղափարախոսությունը»,- ասել է Կարապետյանը։
Նա նաև մանրամասնել է Տիգրանաշենի բնակիչներին աջակցելու «Ուժեղ Հայաստանը» -ի ծրագրերի մասին։ Մասնավորապես, կուսակցությունը առաջարկվում է ճանապարհի մոտ շուկա ստեղծել, որտեղ բնակիչները կկարողանան վաճառել իրենց բերքը, ինչպես նաև ֆինանսական աջակցություն տրամադրել առանձին ընտանիքների կենցաղային խնդիրների լուծման համար։
