Իրանը հարվածներ կհասցնի Մերձավոր Արևելքում ԱՄՆ շահերը ներկայացնող բոլոր բազաներին և օբյեկտներին, եթե ԱՄՆ-ն որոշի կրկին հարձակվել Իսլամական Հանրապետության վրա, հայտնում է Իրանի զինված ուժերի կենտրոնական շտաբը՝ Խաթամ ալ Անբիան:
«Մենք զգուշացնում ենք, եթե ԱՄՆ-ն սխալ թույլ տա իսլամական Իրանի դեմ, այդ երկրի բոլոր բազաներն ու շահերը տարածաշրջանում կենթարկվեն երկարատև, զգայուն և ցավոտ հարվածների՝ առանց որևէ սահմանափակման կամ տատանման», — ասվում է Իրանի պետական հեռարձակողի կողմից մեջբերված հայտարարության մեջ։
Կենտրոնական շտաբը նաև զգուշացրել է Մերձավոր Արևելքի երկրներին՝ ընդգծելով, որ եթե նրանք միանան ԱՄՆ ագրեսիային, չեն կարող հույս դնել Իրանի զինված ուժերի զսպվածության վրա։
Ըստ շտաբի՝ ԱՄՆ-ն, որոշ Մերձավոր Արևելքի երկրների հավանությամբ, եվրոպական երկրներից մեկում կայացած համատեղ նիստում որոշել է վերսկսել ռազմական գործողությունները Իրանի դեմ։