Ուկրաինայի զինված ուժերը սեպտեմբերի 19-20-ը Ռուսաստանի ընտրություններում քաղաքացիների քվեարկությունը խափանելու նպատակով փորձել են զանգվածային հարձակում իրականացնել անօդաչու թռչող սարքերով և «Ֆլամինգո» հրթիռներով։ Այս մասին հայտնել է Ռուսաստանի պաշտպանության նախարարությունը։
ՌԴ ՊՆ-ի փոխանցմամբ՝ «Ֆլամինգո» բոլոր արձակված հրթիռները հակաօդային պաշտպանության միջոցներով ոչնչացվել են Մոսկվայի տարածաշրջանի քաղաքացիական օբյեկտներին մոտենալու ճանապարհին։
Ռուսաստանի պաշտպանության նախարարությունը հայտարարել է նաև, որ Մոսկվայի ուղղությամբ իրականացված զանգվածային հարձակման փորձը ձախողվել է, և ուկրաինական ուժերը չեն հասել իրենց նպատակներին։
ՌԴ ՊՆ-ի տվյալներով՝ վերջին 24 ժամվա ընթացքում խոցվել է 1951 անօդաչու թռչող սարք և 8 թևավոր հրթիռ, որոնցից մեկը վայր է ընկել անմարդաբնակ տարածքում։
Միաժամանակ ՌԴ պաշտպանության նախարարությունը հայտարարել է, որ Ուկրաինայի կողմից քաղաքացիական ենթակառուցվածքների ուղղությամբ իրականացվող հարձակումներին ի պատասխան՝ ռուսական զինված ուժերը կուժեղացնեն Կիևում ռազմական օբյեկտների ուղղությամբ հարվածները։