Tert.am-ը գրում է․
Եկեք ավելի լավ է բարեկամաբար ապրենք, հակառակ դեպքում մենք էլ ստիպված կլինենք պատասխան տալ, այս մասին հայտարարել է ՌԴ նախագահ Վլադիմիր Պուտինը՝ դիմելով արևմուտքի երկրներին։
«Ռուսաստանի ինքնիշխանության երաշխավորը մնում է միջուկային եռյակը, և դրա ամրապնդումը անվերապահ առաջնահերթություն է։ Ռազմավարական նշանակության հրթիռային զորքերի սպառազինության արդիականության մակարդակը կազմում է 92%։ Ռուսաստանի հակաօդային և հակահրթիռային պաշտպանությունը պետք է ապահովի օդատիեզերական հարձակման ցանկացած միջոցի ոչնչացումը։
Եվրոպացիներն ընտրությունների ժամանակ հասկացնում են, որ Ռուսաստանի հետ որևէ պատերազմ չեն ցանկանում։ Նրանք փորձում են փրկել իրենց իջնող վարկանիշը և քողարկել թույլ տված սխալները՝ խոսելով Ռուսաստանի հետ պատերազմի նախապատրաստվելու մասին։
Ռուսաստանը Եվրոպայի նկատմամբ որևէ ագրեսիվ մտադրություն չունի, այլ պատրաստ է համագործակցության և եվրոպական հարևանների հետ հարաբերությունների վերականգնմանը։ Միևնույն ժամանակ, Արևմուտքի փորձերը Կիևում գտնվող ամբողջությամբ կոռումպացված ռեժիմին ներկայացնել որպես ժողովրդավարության պաշտպան՝ տարօրինակ են»,-նշել է նա։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: