ԱՄՆ նախագահ Դոնալդ Թրամփը հայտարարել է, որ Իրանը ձգտում է ԱՄՆ-ի հետ համաձայնության հասնել։
«Հենց հիմա նրանք ցանկանում են համաձայնության գալ։ Եթե այդ համաձայնությունը սխալ լինի, ես նույնիսկ չեմ պատրաստվում այն քննարկել»,- ասել է Թրամփը։
Նրա խոսքով՝ Իրանը ցանկանում է գործարք կնքել, քանի որ, իր գնահատմամբ, «բոլոր առումներով պարտվում է»։
«Նրանք պարտվում են ֆինանսական առումով, պարտվում են ռազմական առումով։ Նրանք բացարձակապես բոլոր առումներով պարտվում են։ Տեսնենք, թե ինչ տեղի կունենա»,- ասել է ԱՄՆ նախագահը։